एनआरटी सेमिफाइलनमा

काठमाण्डौको एनआरटी क्लब चौथो नेपाल कप फुटबल प्रतियोगिताको सेमिफाइनलमा प्रवेश गरेको छ ।
चितवनको क्याम्पाचौरमा भएको प्रतियोगितामा स्थानिय नारायणगढ फुटबल क्लबलाई २ – ० गोल अन्तरले पराजित गर्दै एनआरटीले सेमिमा स्थान बनाएको हो । विजयी टिमका लागि दुवै गोल विश्व गुरुङ्गले गरेका थिए । गुरुङ्गले पहिलो हाफको २७ औ मिनटमा रितेश मल्लले राईट कर्नरबाट गरेको क्रसलाई सदुपयोग गर्दै टोलीलाई अग्रता दिलाएका थिए । यस्तै उनले दोश्रो हाफको दोश्रो मिनटमा अर्को गोल गर्दै टोलीलाई जित दिलाउन सफल भए ।
स्पोर्टस् फर अल नेपालको आयोजनामा भएको प्रतियोगिताको पहिलो खेलमा काठमाण्डौकै ब्वाईज युनियनले भरतपुर फुटबल क्लबमाथी टाईब्रेकरको सहायताले ४–१ गोल अन्तरले पराजित ग¥यो । निर्धारित ९० मिनटको समय सम्म दुवै टोलीबाट समान ३–३ गोल भई बरावरीमा खेल समाप्त भए पछि खेलको छिनोफानो टाईब्रेकरबाट गरिएको थियो । टाईब्रेकरमा ब्वाईज युनियनका लागि जिम्मि, एसेस, सुजन पुन र केटाले गोल गरेका थिए भने भरतपुरका लगि सेगुनले मात्र गोल गरेका थिए । लवल र अभिषेक रिजालको बल गोल बारमा लागेर बाहिरेको थियो ।
निर्धारित समयको खेलमा पहिलो हाफको २१ औं मिनटमा जनक कार्कीले प्रहार गरेको बललाई बाबु बानियाले हेड मार्फत गोल गर्दै टिमलाई अग्रता दिलाएका थिए । एक गोलले पछि परेको अवस्थामा ब्वाईज युनियनको लागि पहिलो हाफको २७ औं मिनटमा केटाले गोल गर्दै खेललाई बरावरीमा ल्याए । निकैनै प्रतिस्पर्धात्मक भएको खेलमा भरतपुरका लागि पहिलो हाफको २९ औं मिनटमा ३५ यार्ड टाढाबाट फाउलमा पाएको फ्रि किकलाई सदुपयोग गर्दै लावलले पुन टोलीलाई २–१ गोल अन्तरमा पु¥याए । खेललाई बराबरीमा पु¥याउने क्रममा ब्वाईज युनियनका एससले दोश्रो हाफको १२औं मिनटमा गौतम श्रेष्ठले माईनस गरेको बलमा हेड गर्दै खेललाई पुन बराबरीमा पु¥याए । यस्तै भरतपुरका लावलले दोश्रो हाफको १८ औं मिनटमा आफ्नो ब्यक्तिगत दोश्रो गोल गर्दै पुन टिमलाई ३–२ को अग्रताका साथ जित नजिक पु¥याएका थिए । एक गोलले पछि परेको अवस्थामा संयमित खेल खेल्दै ब्वाईज युनियका विजेश थापाले डि बक्स नजिकबाट पाएको बललाई सिधै गोलमा परिणत गर्दै खेललाई बराबरीमा पु¥याएका थिए ।
भोलीको खेल सेनाको त्रिभुवन आर्मी क्लब र विरगंज युथ एकेडेमी तथा नेपाल पुलिस क्लब र एभरेष्ट क्लब चितवनका विच प्रतिस्पर्धा हुनेछ ।