एपीएफलाई राष्ट्रिय महिला क्रिकेट प्रतियोगिताको उपाधि

सशस्त्र प्रहरी बलको एपीएफले मङ्गलबार पूर्वाञ्चललाई दस रनले हराएर राष्ट्रिय महिला क्रिकेट प्रतियोगिताको उपाधि जितेको छ ।
त्रिवि क्रिकेट मैदान भएको फाइनल जितेपछि एपीएफले ट्रफीसहित एक लाख रुपिया पनि प्राप्त गर्यो । उपविजेता पूर्वाञ्चल ५० हजार रुपियाँको हकदार बन्यो । हङकङमा हुने आइसीसी महिला विश्वकप छनोट–एसिया २०१६ को यो छनोट प्रतियोगिता पनि हो । अब यस प्रतियोगिताबाट चयन भएका खेलाडीलाई बन्द प्रशिक्षण शिविरमा राखिनेछ ।
वर्षाले प्रभावित पारेपछि उपाधि भिडन्त प्रति पाली दस–दस ओभरमा कटौती गरिएको थियो । टस हारेपछि पहिले ब्याटिङ गर्न मैदानमा आएको एपीएफले निर्धारीत १० ओभरमा एक विकेटको क्षतिमा ६४ रन बनायो । विकेटकिपर ज्योति पाण्डे आठ रनमै कविता गौतमको शिकार बनेपनि सीता राना मगरले सरिता मगरसँग मिलेर अविजित ४९ रनको साझेदारी निर्वाह गरी एपीएफलाई चुनौतीपूर्ण स्कोरतर्फ पु¥याए । सीताले २८ बलमा २९ र सरिताले १८ बलमा तीन चौकासहित २२ रन बनाए ।
पूर्वाञ्चलकी कप्तान रुविना क्षेत्रीले दुई ओभरमा २० रन खर्चनुभयो । पूर्वाञ्चलकी सन्तोषी चैधरीले दुई ओभरमा चार र कविताले दुइृ ओभरमा नौ रन खर्ची सटिक बलिङ गरे ।
पूर्वाञ्चलले लक्ष्य पछ्याउने क्रममा पाँच विकेटको क्षतिमा ५४ रनमात्रा बनाउन सक्यो । रुविनाले अविजित १६ रन बनाएर प्रयास गरेपनि आप्mनो टिमलाई जिताउन सकिनन् । तीन ब्याट्सवुमन आउट हुँदा पनि पूर्वाञ्चललाई लक्ष्य पछ्याउन कठिन भएको थियो । एपीएफकी करुणा भण्डारी र सरिताले एक–एक विकेट लिए ।
प्रतियोगितामा मध्यपश्चिमका लक्ष्मी चौधरी सर्वश्रेष्ठ ब्याट्सवुमन र पूर्वाञ्चलकी सन्तोषी सर्वश्रेष्ठ बलर घोषित भए । यी दुवैले ट्रफीसहित दस–दस हजार रुपियाँ प्राप्त गरे । पूर्वाञ्चलकी सबनम राई सर्वश्रेष्ठ फिल्डर चुनिईन् । लक्ष्मीले दुई खेलमा ६१ रनको औसतमा कूल ६१ रन र सन्तोषीले सर्वाधिक छ विकेट लिएकी थिईन् ।
यसैगरी, च्याम्पियन टिमकी सरितालाई प्रतियोगिताकै सर्वश्रेष्ठ खेलाडी घोषित गरियो । सरिता दस हजार रुपियाँले पुरस्वृmत भईन् ।