ओलम्पियन हमालको आत्मकथा ओलम्पियनको विमोचन

भारोत्तोलनका सफल खेलाडी एवं राजनीतिज्ञ सुरेन्द्र हमालको आत्मकथा ‘ओलम्पियन’ को आज काठमाण्डौस्थित राष्टिय खेलकुद् परिषद्को ओलम्पियन सेमी कभर्डहलमा विमोचन गरिएको छ । ओलम्पियन जगदीश प्रधान, पुष्पराज ओझा, संगिना बैद्य, अनिता श्रेष्ठ र लेखक स्वयम्ले आत्मकथाको विमोचन गरेका छन् ।
क्रियटिभ बुक्सले प्रकाशन गरेको ‘ओलम्पियनः सुरेन्द्र हमाल’ को सहलेखन टीएस ठकुरीले गरेका हुन् भने सम्पादन पत्रकार जनक नेपालले गरेका छन् ।
विमोचन समारोहमा बोल्दै नेपाल ओलम्पिक कमिटीका अध्यक्ष जीवनराम श्रेष्ठले नेपाली खेलाडीको पहिलो आत्मकथाले खेलाडी र खेल पदाधिकारीलाई उत्साहित बनाएको बताए । ओलम्पियन हमालको आत्मकथाले नेपाली खेलाडीको वास्तविकता सार्वजनिक गरेको उल्लेख गर्दै अध्यक्ष श्रेष्ठले अब खेलकुद्को घटना क्रम पुस्तकमा आएकाले अहिलेको पुस्ताका लागि प्रेरणादायी बन्न सक्ने बताए । ‘पहिले खेलाडीले झण्डा मात्र फहराउथे । अब दस्तावेजीकरण समेत हुने चरणमा पुगेको छ’ उनले भने, – यो पुस्तकमा खेलाडीको दुःख र पीडा मात्र छैन, सफलताको कथा पनि छ । यसले खेलकुदलाई पूर्णता दिएको छ ।
पुस्तकका लेखक ओलम्पियन सुरेन्द्र हमालले क्यान्सरले थलिएर निको हुने क्रममा पत्रकार र शुभेच्छुकहरुको सल्लाहमा पुस्तक लेखेको बताए । ‘क्यान्सरले दुःख मात्र दिएन । पुस्तक समेत लेखायो । त्यसलाई पनि मैले सफलता ठानेको छु’ उनले भने । हमालले आफ्नो पुस्तकले पुराना खेलाडीको खेल जीवन, दुःख सुख र संघर्षलाई उतार्न खोजेको उल्लेख गर्दै यसमा भएका सकारात्मक कुराबाट नयाँ खेलाडीले सिक्न सक्ने बताए ।
साहित्यकार नयनराज पाण्डेले खेलकुद् क्षेत्र पनि साहित्यमा प्रवेश गरेको उल्लेख गर्दै लेखकले आफ्नो जीवन गाथालाई फिल्मी ढंगले उतारेको बताए । ‘आत्मकथा पठनिय छ । जीवन संघर्षलाई राम्ररी उतारिएको छ । पढ्न बसेपछि कतै ब्रेक लाग्दैन’ उनले भने,– कुनै बेला बलिष्ठ खेलाडी देख्दा गुण्डा वा दादा लाग्थ्यो । तर, खेलाडीभित्रको सुकोमल पक्ष, राष्ट्रिय भावना र अवरोह आरोह पुस्तकमा छ । सिलसिलाबद्ध ढंगले पुस्तक लेखिएकाले भारतीय फिल्म मेरी कोम जस्तै फिल्म बन्न सक्ने बताए ।
त्यस्तै, नेपाल खेलकुद् पत्रकार मन्चका अध्यक्ष महेश आचार्यले पुस्तकले खेलकुद्भित्रको तत्कालिन माहोललाई राम्ररी उजागर गरेको बताए । मध्यपश्चिम क्षेत्रीय खेलकुद् विकास समितिका अध्यक्ष भीम ओली खेलकुद् क्षेत्रको दस्तावेजीकरणको नयाँ अध्याय सुरु भएको बताए । यसैगरी, सांसद आशा बिक, नेपाल राष्ट्रि«य तथा अन्र्तराष्ट्रिय खेलाडी संघका महासचिव दीपक श्रेष्ठ, राखेप उपाध्यक्ष लामा टेण्डी शेर्पा, नेपाल भारत्तोलक संघका अध्यक्ष रतनकुमार टण्डन, पश्चिमान्चल क्षेत्रीय खेलकुद् विकास समितिका अध्यक्ष खगराज पौडेल लगायतले बोल्दै लेखक हमाललाई शुभकामना दिएका छन् ।
क्रियटिभ बुक्सका अध्यक्ष टीएस ठकुरीले खेलकुद् क्षेत्रको पहिलो आत्मकथा भएकाले आफ्नो प्रकाशन गृहले ओलम्पियनबाट आफ्नो यात्रा प्रारम्भ गरेको बताए ।

सेयर गर्नुहोस्

फेसबुक प्रतिक्रिया


Deprecated: कार्य the_block_template_skip_link is बहिष्कृत संस्करण देखि 6.4.0!सट्टा wp_enqueue_block_template_skip_link() प्रयोग गर्नुहोस् . in /home/nscgov/public_html/old-nsc-gov-np/wp-includes/functions.php on line 6031

Notice: ob_end_flush(): failed to send buffer of zlib output compression (0) in /home/nscgov/public_html/old-nsc-gov-np/wp-includes/functions.php on line 5373