खेलाडीका लागि न्युट्रिशन कक्षा सुरु

१९ औं एशियाली खेलकुदलाई मध्यनजर राख्दै १९ औं एशियन गेम्स सचिवालयद्वारा सातदोवाटोमा न्युट्रिशन तथा उत्प्रेरणा कक्षा सुरु भएको छ ।
एशियाली खेलकुदमा सहभागी हुने २९ खेलका बन्द प्रशिक्षणमा रहेको खेलाडी तथा प्रशिक्षकहरुलाई उक्त तालिम प्रदान गर्न लागिएको तालिम तथा प्रशिक्षण विभागका निर्देशक एवं १९ औं एशियाली खेलकुद सचिव प्रचण्ड शर्माले बताए ।
कार्यक्रमको आज एक कार्यक्रमविच राष्ट्रिय खेलकुद परिषद्का सदस्य सचिव टंकलाल घिसिङ्गले उद्घाटन गर्दै खेलाडीहरुले ३ करोड नेपालीहरुविचबाट १९ औं एशियाली खेलकुदका लागि चयन खेलाडीहरु निकैनै भाग्यमानी भएको बताए । बिश्व खेलकुद मञ्चमा राष्ट्रको झण्डा खेलकुदले मात्र बोक्न सक्ने भन्दै खेलाडीहरुले लामो समयदेखि गरेको संघर्षको सुखद नतिजा प्राप्त गर्ने अवसर आएको सदस्य सचिव घिसिङ्गले बताए ।