जीवन रक्षा कोर्ष सम्पन्न

इन्टरनेसनल लाइफ सेभिङ फेडेरेसनको सहयोग तथा नेपाल पौडी संघको आयोजनामा लाइफ सेभिङ कोर्ष शनिबार सम्पन्न भएको छ ।
पाँचदिने कोर्षमा ४५ जनाको सहभागिता रहेको पौडी संघले जनाएको छ । सहभागीलाई राष्ट्रिय लाइफ सेभिङ, भारतका संस्थापक अध्यक्ष पुरुषोत्तम शर्मा र उपाध्यक्ष युसुफले सम्बन्धित विविध पक्ष बारे जानकारी गराएका थिए ।
सहभागीलाई राष्ट्रिय खेलकुद परिषद्का सदस्य राजेन्द्र श्रेष्ठ (राजु) ले सातदोबाटोस्थित नेपाल ओलम्पिक कमिटीमा आयोजित एक कार्यक्रमबीच प्रमाण पत्र प्रदान गरे ।