त्रिभुवन आर्मी फाईनलमा प्रवेश

नेपाली सेनाको त्रिभुवन आर्मी क्लब चितवनमा जारी चौथो नेपाल कप फुटबल प्रतियोगिताको फाईनलमा प्रवेश गरेको छ । आर्मीले काठमाण्डौको एनआरटि क्लबलाई ४–१ गोल अन्तरले पराजित गर्दैै फाईनलमा स्थान पक्का गरेको हो ।
स्पोर्टस् फर अल क्लब नेपालको आयोजनामा भएको प्रतियोगिताको पहिलो सेमिफाइनल खेलमा एनआरटीका विरेन्द्र थापाले २४ औं मिनटमा आर्मीका गोल रक्षक विकेश कुथु अगाडी बढेको फाइदा लिंदै बललाई जाली चुमाउंदै टिमलाई अग्रता दिलाए । तर अग्रतालाई एनआरटीले धेरै बेर टिकाउन सकेन । आर्मीका हिरण्य मगरले फ्रिकिकलाई सिदै गोलमा परिणत गर्दै खेललाई बराबरीमा ल्याए । खेललाई आफ्नो नियन्त्रणमा राखेको आर्मीका टेक बहादुर बुढाथोकीले ४८ औं मिनटमा डिबक्स भित्र पाएको बललाई सदुपयोग गर्दै बललाई जाली चुमाउंदै टोलीलाई २–१ को अग्रता दिलाए ।
अधिकांश समय बललाई आफ्नो नियन्त्रणमा राखेको सेनाले दोश्रो हाफको २० औं मिनटमा डि बक्स भित्र पाएको बललाई भरत खवासले गोलमा परिण गर्दै टोलीलाई ३–१ को अग्रता दिलाए । त्यस्तै २२ औं मिनटमा सन्तोष तामाङ्गले गोल गर्दै आर्मीको जित निश्चित गरे । सागका नायक नवयुग श्रेष्ठले दोश्रो हाफको ३८ औं मिनटमा गरेको गोललाई रेफ्रि नविन्द्र महर्जनले अफसाईड दिए ।
चितवनको क्याम्पाचौरमा भएको प्रतियोगिताको दोश्रो सेमिफाइनल खेल आईतबार सशस्त्र प्रहरी बलको एपिएफ र पुलिस क्लबका विच हुनेछ ।

सेयर गर्नुहोस्

फेसबुक प्रतिक्रिया


Deprecated: कार्य the_block_template_skip_link is बहिष्कृत संस्करण देखि 6.4.0!सट्टा wp_enqueue_block_template_skip_link() प्रयोग गर्नुहोस् . in /home/nscgov/public_html/old-nsc-gov-np/wp-includes/functions.php on line 6078

Notice: ob_end_flush(): failed to send buffer of zlib output compression (0) in /home/nscgov/public_html/old-nsc-gov-np/wp-includes/functions.php on line 5420