दीपकलाई स्नुकर उपाधि

दीपक मगरले प्रथम दशैं कप स्नुकर प्रतियोगिताको उपाधि शुक्रबार जितेका छन् । सुन्धारास्थित एक्सक्लुसिभ स्नुकर क्लबमा भएको फाइनलमा दीपकले राजन लामालाई ६–५ को फ्रेममा पराजित गरे ।
उपाधिसंगै दीपकले ५० हजार तथा राजनले २० हजार नगद पुरस्कार प्राप्त गरे । जिमी लामा र सञ्जय मुल्मी संयुक्त रुपमा तेश्रो भए । दुवैले समान ५–५ नगद पुरस्कार हात पारे । प्रतियोगितामा सुजेन शाही उत्कृष्ट खेलाडी चुनिए । उनले गिफ्ट ह्याम्पर पाए ।
विजेतालाई पूर्व उपप्रधानमन्त्री प्रकाशमान सिंह, सांसद् मोहनकुमार राईलगायतले एक कार्यक्रमबीच पुरस्कार वितरण गरे । पाँचदिने प्रतियोगितामा ६४ खेलाडी सहभागी थिए ।