समितिद्वारा कर्मचारी दरवन्दी रिपोर्ट पेश

लामो समय देखि राष्ट्रिय खेलकुद परिषदमा कर्मचारीको बढुवा तथा पदपूर्ति नभएकोले कर्मचारीको दरवन्दी मिलान गर्न गठित राखेप कर्मचारी दरवन्दी निर्धारण समितिले दरवन्दी मिलानको रिपोर्ट राष्ट्रिय खेलकुद परिषद्का सदस्य सचिव केशव कुमार बिष्टलाई आईतबार पेश गरेको छ ।
खेलकुद विकास ऐन २०४८ को दफा ११ बमोजिम राष्ट्रिय खेलकुद परिषदका सदस्य विरेन्द्र श्रेष्ठको संयोजकत्वमा गठित समितिले राष्ट्रिय खेलकुद परिषदमा देखिएको दरवन्दी सम्वन्धि अन्यौलतालाई सहजीकरण गर्ने उद्धेश्यले प्रदेश, क्षेत्र, जिल्लाका कर्मचारीहरुको दरवन्दी निर्धारण गर्दै रिपोर्ट तयार गरेको हो ।
रिपोर्ट ग्रहण गर्दै सदस्य सचिव बिष्टले समितिले बुझाएको दरवन्दी रिपोर्ट कार्यान्वयनमा आएमा परिषदमा कार्यरत कर्मचारी र हालको राष्ट्रिय खेलकुद परिषदको ऐतिहासिक उपलब्धि हुने बताए ।
समितिको सचिवमा खेलकुद विकास विभागका प्रमुख कुलबहादुर थापा, सदस्यहरुमा खेलकुद प्रतियोगिता तथा योजना विभागका प्रमुख प्रकाश चन्द्र घिमिरे, तालिम तथा प्रशिक्षण विभागका उप–निर्देशक अर्जून वि.क. र कर्मचारी संघका अध्यक्ष रञ्जना थापा रहेका छन् । सहयोगीहरुमा प्रशासकिय अधिकृत चन्द्र राई, सहायक प्रथम एकनाथ मगर र कम्प्यूटर अपरेटर राधा श्रेष्ठ रहेका छन् ।